Mediat dhe lufta hibride: fenomeni TV Klan Kosova
Mediat tona si në Tiranë edhe në Prishtinë, tashmë kanë bërë sekret publik faktin se, një numër i konsiderueshëm i bisnesmenëve të Kosovës kanë kod fiskal të Serbisë, titulluar ‘Kosovo i Metohije’. Kjo shtresë e të ashtuquajturës oligarki ekonomike në Kosovë, me kohë kishte vënë nën kontroll median dhe politikën.
Nga Dr Sadri RAMABAJA
Mediat tona, si në Tiranë edhe në Prishtinë, tashmë kanë bërë sekret publik faktin se, një numër i konsiderueshëm i bisnesmenëve të Kosovës kanë kod fiskal të Serbisë, titulluar ‘Kosovo i Metohije’. Kjo shtresë e të ashtuquajturës oligarki ekonomike në Kosovë me kohë kishte vënë nën kontroll median dhe politikën.
Jo rrallë, ata, pavarësisht se ishin pjesë e elitës së biznesit, kalonin “ylberin” dhe shnëdrroheshin në akademikë, politikanë e deri edhe president të Republikës! Ky fenomen ishte i rëndomtë brenda të gjitha qeverive, deri tek ajo Kurti 2.
Prandaj, pothuajse të gjithë eksportuesit e mëdhenj të Kosovës kanë pasur e kanë nipt tregtar e fiskal serb!
Por, siç konkludon Pamfleti nga Tirana, posedimi i një regjistri tregtar në Serbi, i ka dhënë këtyre subjekteve dhe miliarderëve të Kosovës një status special nga qeveria serbe. E, siç dihet shumë mirë tashmë, këtë sektor, pra bizneset në Kosovë, i mbulon direkt shërbimi sekret i Serbisë-BIA.
Ky fakt e bën më të qartë ndërveprimin e trekëndshit aktiv mes oligarkisë, një lagjeje të politikës [opozitës] dhe medias, që për objektiv ka rrëzimin me çdo çmim të qeverisë.
“Kali i Trojës”
Në kontekstin e Kosovës, Serbia vazhdimisht ka keqpërdor minoritetin serb dhe ish strukturën e saj të shërbimit të fshehtë, së fundmi edhe Listën Serbe si “Kalë Troje”, me qëllim që të krijoi pikën e kthesës së gjakuar, natyrisht duke përdor edhe taktika të të njohura të “luftës hibride”.
Agresioni serb që pasoi me kidnapimin e tre pjestarëve të Policisë së Kosovës ishte paramenduar si akt që mund të krjonte pikën e kthesës për ndërhyrje ushtarake.
Ngjarje të veçanta të kësaj natyre dhe përgjithësisht reagimi i komunitetit ndërkombëtar, nxorrën në dritë faktorë të ndryshëm ndërveprues:
- Kompleksiteti i situatës në veri të Kosovës: Veriu i Kosovës qe krijuar si një oazë e penetrimit të Serbisë tok me zbarkimin e forcave franceze si pjesë përbërëse e KFORit pikërisht në këtë zonë. Tolerimi që i bëri KFOR-i francez njësive speciale serbe më 3 e 4 shkurt 2000 për vazhdimin e gjenocidit në kushtet e reja, duke vrarë 12 qytetarë shqiptarë të pesës veriore të qytetit, duke plagosur mbi 100 të tjerë dhe larguar me dhunë nga shtëpitë e tyre mbi 12000 veta, e kiste promovuar veriun e Kosovës si zonë komplekse dhe me pasoja për Republikën përgjatë gjithë procesit të dialogut që po i imponohej.
- Rrethanat specifike të kidnapimit: Detajet e kidnapimit të oficerëve të policisë qenë bërë publike nga ana e Qeverisë së Kosovës, por jo edhe nhga KFOR-i, që është instancë përgjegjëse për ruajtjen e kufijve dhe sigurin në vend.
Nuk ka dyshim se kidnapimi ka ndodhur për arsye politike, rrjedhhimisht edhe heshtja, respektivisht mosndëshkimi i Serbisë nga ana e Komuntetit Ndërkombëtar në përmasën që duhej, ka çmimin e vet politik. - Diplomacia dhe diplomacia e qetësisë: Në disa raste, diplomacia perendimore, sidomos në raport me Serbinë, ka aprovuar strategji qetësuese për të parandaluar eskalimin e tensioneve. Kjo nuk do të thotë se kemi ët bëjmë me mungesë reagimi përgjithësisht, por ai duket se ka qenë më subtil dhe jopublik.
- Ndikimi i marrëdhënieve ndërkombëtare: Lufta në Ukrainë dhe përpjekja këmbëngulëse e diplomacisë perendimore për ta shmangur me çdo mjet shtrirjen e saj edhe në Europën Juglindore, si një front i dytë, i gjakuar nga Putini, kanë ndikuar gjithësesi në reagimet dhe përgjigjen adekuate ndaj agresionit serb.
Përballja me këtë rrezik ishte vlerësuar si e domosdoshme nga ana e Parlamentit Evropian. Ai ka kërkuar vazhdimisht që vendet anëtare të miratojnë strategji kundër “propagandës armiqësore” të Moskës. Shih për këtë, Komisioni i BE-së, ka krijuar një departament të vogël për të gjurmuar lajmet e rreme ruse. Ky fat ka hedhur dritë herë pas herë edhe në veprimin subversiv përmes lajmeve të rreme që kishte shtuar Beogradi në raport me Kosovën.
Në këtë sfond, merret me mend pse institucionet tona ligjëzbatuese dhe jo vetëm ato, është e nevojshme të merren me ndikimin serb në Kosovë?
Një studim serioz nga institucionet tona shkencore e mediatike fare lehtë do të nxirrnin konkluzione mbi efektet e dezinformatave serbe në skenën tonë politike që për burim ka skenën mediatike ose opinionin publik. Rasti i gazetës Nacinale me të ashtuquajturën aferë “Zdravo” dhe përgjimeve tjera është ekzemplar për këtë fenomen.
Në një shkrim në llogarinë e saj zyrtare në Facebook, Ministrja e Industrisë, Ndërmarrësisë dhe Tregtisë, Rozeta Hajdari, ka deklaruar se pas riverifikimit dhe pezullimit të certifikatave të biznesit për Klan Kosova SH.P.K. dhe ARTMOTION SH.P.K., MINT nuk është ndalur vetëm me këto dy raste. Hajdari bëri të ditur se MINT ka themeluar Komisionin për riverifikim të dosjeve në Agjencinë për Regjistrimin e Bizneseve të Kosovës (ARBK), në veçanti të atyre me dokumentacione të dyshimta me emërtime antikushtetuese.
“Përgjatë 10 ditëve gjatë këtij muaji korrik — 10.07.2023 deri më datë 19.07.2023, Komisioni ka riverifikuar 660 dosje të bizneseve të regjistruara në ARBK. Fokus i riverifikimit kanë qënë dosjet që kryesisht kanë prezantuar dokumentin personal me rubrikën vendi/shteti i lindjes, apo vendbanimi aktual me emërtime kundërkushtetuese”, qe shprehur ministrja.
Sipas saj, si rezultati i riverifikimit të dosjeve, Komisioni ka konstatuar që, në 48 dosje të bizneseve të regjistruara në ARBK, ka emërtime kundër-kushtetuese, pasi është shkruar “”Prishtinë — Kosovo Metohija, Serbia”, “Pejë — Republika e Serbisë”, “Gjilan — Serbia” etj”.
Këto të dhëna ishin përgjigjia më e mirë kundrejt agresionit të bashkëkoordinuar të luftës hibride serbe kundër Kosovës, sidomos kur ajo po humbiste terren në veriun e Republikës.
***
KosovaNews ditë më parë ka bërë një hulumtim ekskluziv lidhur me pronësinë e televizionit me valë nacionale Klan Kosova që nga fillimet e operimit të tij. Në kohën kur i gjithë opinioni publik e di që Klan Kosova është pronë e vëllezërve Devolli më saktësisht Shkëlqim Devollit, nga hulumtimi në fjalë e vërteta del të jetë krejt ndryshe. [1]
Rasti është sinjifikativ për avancimin e luftës hibride serbe në Kosovë dhe intencën për ashpërsimin e saj në periudhën pasuese.
Taktika hibride
Në skenarët modern të konfliktit, Serbia mbështetet në një kombinim të operacioneve klasike ushtarake, presionit ekonomik, sulmeve kompjuterike dhe propagandës në media dhe rrjetet sociale. Kjo qasje njihet edhe si “taktika hibride” ose “luftë hibride”. Këtë qasje Serbia e ka intensfikuar, sidomos gjatë këtyre dy viteve të fundit, me theks javëve të fundit.
Bartësit real të luftës hibride në Kosovë, një lagje e mediave në pronësi të oligokratëve, jo rastësisht me këtë term, herë-herë vetë bartësit e saj pretendojnë të tallen, duke mëtuar të kalojnë në një stad të ri të dezinformimit.
Si nocion termi “luftë hibride” është përdorur shpesh në diskutimet e politikave të sigurisë, në politikë dhe shkencë në lidhje me një formë në dukje të re të kërcënimit. Media dhe publiku gjithashtu e kanë adoptuar këtë term. Kështu, “lufta hibride” duket se përfaqëson variantin më të fundit të përshkrimit terminologjik të një ndryshimi të perceptuar në ngjarjet e kohës së luftës [2], sidomos kur ajo cilësohet e papërfunduar.
Analisti ushtarak William Nemeth foli për herë të parë për luftën hibride në vitin 2002 në lidhje me Luftën e Dytë Çeçene që filloi në 1999. Termi do të përhapet edhe më shumë në analizat rreth luftës së Libanit të vitit 2006, kur studiuesi ushtarak, Frank Hoffman, theksoi një përzierje të ngjashme taktikash ushtarake në lidhje me luftën e Hezbollahut kundër Izraelit.
Në një intervisët për Deutsche Welle, eksperti gjerman, Konrad Clewing, pohon pa ekuivok se Beogradi po bën luftë hibride ndaj Kosovës. “Serbia përpiqet t’i anatemizojë në media përfaqësuesit e Kosovës në dialog, kështu që një konsumatori të mediave serbe mund t’i lindë pyetja se si mund të pretendosh të biesh dakord e të ulesh në biseda me kosovarët. [Ky fakt u vu në pah sidomos pas dhunës që aplikoi eshaloni I PDK I përzgjedhur për këtë qëllim në Kuvend.] Ekziston vetëm një arsye pse ky revizionizëm nuk ka shans të kthehet në luftë: Kjo është prania e KFOR-it. Por, fakt është që, Beogradi aktualisht po bën një luftë hibride. [3]
Diktimi i agjendave politike
Situata në hapësirën shqiptare dhe me theks në Kosovë, dëshmon se ndikimi i mediave serbe në agjendën e temave politike në mediat e Kosovës është shumë prezent!
Të ashtuquajturat elita politike e mediale kosovare, për vite të tëra kanë selitur një lloj bashkëpunimi të heshtur me Beogradin.
Regjistrimi i partive politike që “pasuronin” pluripartizmin në Kosovë në dekadën kur Beogradi pat aplikuar apart’heijdin [1989–1999], kishte pasojat e veta. Ato u veneruan sidomos gjatë luftës titanike të UÇK-së dhe çlirimit të këtij krahu të Shqipërisë, që zyrtarisht njohet me emrin Republika e Kosovës, po edhe pas saj. Ndërkaq vazhdimi i regjistrimit të bizneseve në Serbi dhe koketimi i politikës pikërisht me këta pronar biznesesh, nuk kalon dot pa dëme kolaterale të theksuara.
Lufta e përqëndruar serbe në mbajtjen e Kosovës si shtet jofunksional, respektivisht lehtësisht të dështueshëm, edhe pas njëzetë viteve pas çlirimit, sikur po shpërblehet mirë aktualisht, pikërisht përmes alikimit të lufëts hibride në raportet media — politikë. Ndërkohë duke amplifikuar forcat vetëshkatërruese që i ka ndërtuar e selitur vetë pa u penguar seriozisht për njëzetë vjetë rresht e më gjatë, tani edhe për shkak të thellimit të divergjencave ideologjike, duke shfrytëzuar kundërthëniet politike mes dy blblloqeve ekzistuese politike [VV dhe Të tjerët -PDKLDKAAK…], psikotikëve skizmatik të PSD-së që janë kundër çdo gjëje, dhe së fundmi nga agjentët subversiv të njohur e të panjohur…
Shitja e gjithë pasurisë shoqërore gjatë të të ashtuquajturit proces të privatizimit të ndërmarrjeve publike e shoqërore pikërisht këtyre biznismenëve që kishin rgjistruar bizneset në Serbi, ndihmuan gjithashtu në forcimin e lidhjeve të ndërsjella edhe të elitës politike, që e dërguan procesin e dialogut mes Kosovës dhe Serbisë drejt “shitjes” së veriut të Kosovës!
Nuk është i rastësishëm publikimi i hartave që ndërlidheshin me të ashtuquajturin “shkëmbim territoresh” dhe interpretimi i tyre pikërisht nga ish drejtori i TV Klan Kosovës, tani pronar i Albanian Post, që si atëherë, edhe tani është shumë aktiv, por kësaj radhe i pozicionuar si një kalorës mesjetar në ballë të betejës mediatike antiqeveri, duke koordinuar madje edhe agjendat politike.
Nëse marrim në konsideratë se mediat elektronike kosovare janë të regjistruar si biznese private, para së gjithash televizionet me licenca nacionale, e si të tilla janë në varësi të plotë nga oligokratët, që tashmë u kuptua qartë se kontrollohen nga BIA, nuk është larg mendësh pse ato kontrollohen kaq shumë dhe pse agjenda politike e një lagjeje të redaksive televizive dhe të portaleve përputhet kaq ndjeshëm me interesat serbe.
Nga kjo logjikë veprimi, më e pakta që duhet të bëjnë gazetarët dhe pronarët e atyre mediave q nuk kanë të bëjnë me këtë logjikë veprimi, do ët ishte që të respektojnë ligjet e Republikës. Për axhendat politike, është elektorati [që aktualisht është edhe teleshikues], ai që vendos në fund.
Portretizimi i Beogradit si viktmë
Sistemi politik i Beogradit, i kontrolluar nga Kremlini përmes instrumentit të sigurisë [BIA], që drejton tashmë njeriu më besnik i Kremlinit në Serbi — Aleksander Vulin, dhe pozicioni i jashtëzakonshëm i Presidentit serb Aleksander Vuçiq, korrespondojnë me idealet politike të pothuajse të të gjithë politikanëve të lartë serbë.
Në këtë kontest, pavarësisht protestave javore në Beograd dhe qytete tjera të Serbisë, edhe atëherë kur mbështetësit e Vuçiqit në Zveqan ushtruan dhunë ndaj ushtarëve të KFOR-it, pavarësisht se shefi i BIA-s ndërkohë u sanksionua nga SHBA-të, pra pavarësisht gjithçkaje, Presidenti Vuçiç vazhdon të konsiderohet ende “një partner i rëndësishëm negociues në Perëndim”. [4] Kjo ndodhë edhe për faktin se Vladimir Putin ka investuar gjatë në Serbi, jo veëtm në sferën e propagandës.
Udhëheqja politike e Serbisë dhe popullsia e saj i janë mirnjohës Rusisë edhe për faktin se ajo në Këshillin e Sigurimit të OKB-së, por edhe si kundërpeshë ndaj NATO-s, ka zvarritur përmbyllen e dialogut me Kosovën, duke shpresuar për kohë më të përshtatshme pas përfundimit të luftës në Ukrainë, siç gjykojnë në Beograd.
Këto qëndrime janë njëkohësisht në shpërputhje me interesat e Kosovës, e gjithësesi edhe të BE-së dhe të SHBA-ve në raport me Europën Juglindore.
Në rrafshin ndërkombëtar, si Moska ashtu edhe Beogradi vazhdojnë ta portretizojnë veten si viktimë e interesave perendimore. Ndërkohë, pas mbështetjes së hapur të Turqisë në përputhje me politikat e Qeverisë së Kosovës për armatimin e Forcave të Sigurisë së Kosovës, që shqiptarët gjithandej e shohin si vazhdimin e natyrshëm të UÇK-së, Beogradi ka reaguar ashpër, duke ekspozuar armatimin kinezo-rus si formë e kundërvënies tipike bazuar në mentalitetin e kampit.
Meqenëse elita politike — mbi të gjitha presidenti Aleksandar Vuçiç — kontrollon pothuajse plotësisht peizazhin mediatik, konstaton Dr. Thomas Brey, ofertat mediatike gratis nga Rusia janë shumë të mirëpritura.[5] SPUTNIK-u dhe RT prandaj mbesin fuqi e plotë mediadike edhe në duart e Vuçiqit.
Fuqia mediatike nga Rusia në pjesë të mëdha të Ballkanit siguron që BE-ja dhe SHBA-ja të veprojnë shpesh në një pozicion humbës në këtë pikënisje të pushtetit-politik, emocional dhe nacional-psikologjik.[6] Dhe pavarësisht se BE-ja është deri tani donatori dhe investitori më i madh në Serbi (67 përqind e të gjitha investimeve të huaja), por edhe partneri kryesor i Serbisë në tregti [62 për qind me BE], tutje mbështetja për Rusinë është tejet e madhe, larg më e madhe se për BE apo SHBA-të. Rrjedhimisht edhe fuqia e Serbisë konceptohet nga ana e diplomacisë perednimore në një pasqyrë të thyer, duke e trajtuar atë si faktor determinues për paqen në Ballkan.
_________________________
2. https://www.bpb.de/shop/zeitschriften/apuz/232962/der-neue-unsichtbare-krieg/
5. https://www.freiheit.org/de/deutschland/russische-medien-auf-dem-balkan
6. Po aty
